Home Breaking News दीपाली चव्हाण आत्महत्या प्रकरणात अखेर श्रीनिवासन रेड्डींना अटक

दीपाली चव्हाण आत्महत्या प्रकरणात अखेर श्रीनिवासन रेड्डींना अटक

सविस्तर बातमीसाठी https://www.vidarbhawatan.com/news/8626*या लिंक वर क्लिक करा जनसामान्यांचा आवाज बुलंद करणारे विदर्भ वतन डेली न्युज पोर्टल

69 views
0

दीपाली चव्हाण आत्महत्या प्रकरणात अखेर श्रीनिवासन रेड्डींना अटक

विदर्भ वतन न्यूज पोर्टल,अमरावती- वन अधिकारी दीपाली चव्हाण आत्महत्या प्रकरणी अखेर पोलिसांनी मोठी कारवाई केली आहे. निलंबित अप्पर मुख्य प्रधान सचिव श्रीनिवास रेड्डी यांच्यावर गुन्हे दाखल करून अटक करण्यात आली आहे. या प्रकरणातली ही सर्वात मोठी कारवाई आहे.

अमरावतीतील मेळघाट व्याघ्र प्रकल्पाअंतर्गत येणाऱ्या हरीसाल क्षेत्रात कार्यरत RFO (परिक्षेत्र अधिकारी) दीपाली चव्हाण यांनी 25 मार्च रोजी शासकीय निवासस्थानी गोळी झाडून आत्महत्या केली होती.  मेळघाट व्याघ्र प्रकल्पातील गुगामल वन्य जीव परीक्षेत्रात त्या गेल्या दीड वर्षापासून RFO (वनपरिक्षेत्र अधिकारी) या पदावर कार्यरत होत्या. वरिष्ठांच्या जाचाला कंटाळून त्यांनी आत्महत्या केल्याची माहिती समोर आली. दीपाली चव्हाण हिच्या आत्महत्येनंतर तिची सुसाईड नोट पोलिसांना मिळाली होती. त्यानंतर पोलिसांनी विनोद शिवकुमारला अटक केली होती.

दीपाली चव्हाण आत्महत्या प्रकरणी मेळघाट व्याघ्र प्रकल्पाचे DFO विनोद शिवकुमार यांच्यासह निलंबित अपर प्रधान मुख्य वनसंरक्षक श्रीनिवास रेड्डी यांनीही अटक करण्यात यावी अशी मागणी जोर धरली होती. अखेर तपासाअंती धारणी पोलिसांनी श्रीनिवास रेड्डी यांच्यावर गुन्हे दाखल केले आहे. धारणी पोलिसांनी आज गुरुवारी पहाटे रेड्डी यांना अटक केली आहे.

दीपाली चव्हाण यांच्या आत्महत्येच्या घटनेची महाराष्ट्र राज्य महिला आयोगाने स्वाधिकारे दखल घेतली होती. त्यानंतर मार्च महिन्यात या प्रकरणात मुख्य वनसंरक्षक तथा क्षेत्र संचालक आणि  अप्पर प्रधान सचिव श्रीनिवास रेड्डी यांना लेखी खुलासा आयोगाने मागावला होता. तसंच, पदावरून हटवण्यात आले होते. या प्रकरणी सर्वात आधी 25 मार्च रोजी DFO विनोद शिवकुमार यांच्या विरुद्ध सदोष मनुष्यवधाचा 306 नुसार गुन्हा दाखल करून त्यांना अटक करण्यात आली.