Home इतर ग्राहकोपयोगी वस्तू कंपन्यांच्या खर्चात मोठी वाढ, दिवाळीनंतर 5-7% पर्यंत वाढू शकतात

ग्राहकोपयोगी वस्तू कंपन्यांच्या खर्चात मोठी वाढ, दिवाळीनंतर 5-7% पर्यंत वाढू शकतात

26 views
0
विदर्भ वतन न्यूज पोर्टल नागपूर

इतर स्टील आणि कॉपरसह बहुतेक धातूंच्या वाढत्या किमती, सेमीकंडक्टर चिपचा तुटवडा आणि वाढत्या मालवाहू भाड्यांमुळे ग्राहकोपयोगी वस्तू कंपन्यांच्या खर्चात मोठी वाढ झाली आहे. सणानंतर ग्राहक इलेक्ट्रॉनिक्सच्या किमती 7 ते 10% टक्क्यांनी वाढण्याची शक्यता आहे. अनेक कंझ्युमर ड्युरेबल्स उत्पादकांचे म्हणणे आहे की त्यांनी सणासुदीमुळे किमती वाढवणे टाळले आहे, परंतु ते नोव्हेंबरनंतर किमती वाढवण्याचा विचार करत आहेत.

चीनमधून आयात होणाऱ्या घटकांच्या मालवाहतुकीत चार ते पाच पटीने वाढ झाली आहे.गोदरेज अप्लायन्सेसचे कार्यकारी उपाध्यक्ष कमल नंदी म्हणाले की, गेल्या काही महिन्यांपासून वस्तूंच्या किमती 22 टक्क्यांनी वाढल्या आहेत.चीनमधून आयात केलेल्या घटकांसाठी मालवाहतुकीचे शुल्क चार ते पाच पटीने वाढले आहे, परंतु कंपन्यांनी त्या तुलनेत किमती फारशा वाढवल्या नाहीत. सणासुदीनंतर वाढलेल्या किमतीचा बोजा ग्राहकांवर टाकणे ही कंपन्यांची मजबुरी असेल. सणानंतर टप्प्याटप्प्याने दरात 5 ते 10 टक्के वाढ होऊ शकते.