Home Breaking News आणखी तीन शहरांवर तालिबानचा ताबा; क्रिकेटपटूने केले जगाला मदतीचे आवाहन

आणखी तीन शहरांवर तालिबानचा ताबा; क्रिकेटपटूने केले जगाला मदतीचे आवाहन

0
आणखी तीन शहरांवर तालिबानचा ताबा; क्रिकेटपटूने केले जगाला मदतीचे आवाहन

आणखी तीन शहरांवर तालिबानचा ताबा; क्रिकेटपटूने केले जगाला मदतीचे आवाहन 

विदर्भ वतन न्यूज पोर्टल,वृत्तसंस्था : काबूल – अफगाण-तालिबान युद्धातला संघर्ष आणखीनच चिघळत आहे. अफगाण सैन्यावर तालीबानकडून जोरदार हल्ले होत आहेत. यात तालिबान अधिकच आक्रमक झाला आहे. मंगळवारी, तालिबानने मंगळवारी तीन मोठ्या शहरांवर ताबा मिळवला असल्याचे वृत्त आहे. तालिबानकडून अफगाणिस्तानमधील प्रांतांच्या राजधानींवर ताबा मिळवला जात आहे. तर, क्रिकेटपटू राशिद खानने जगाला मदतीचे आवाहन केले आहे.

मागील काही दिवसांत तालिबानने जवळपास १२ शहरांवर ताबा मिळवला आहे. अफगाण सैन्य आणि सरकारसमोरील अडचणींमध्ये वाढ होत आहे. तालिबानने मागील तीन दिवसांत ९ शहरांवर ताबा मिळवला. ही शहरे राजधानी काबूलपासून अगदी जवळच्या अंतरावर आहेत. अमेरिकेने आपले सैन्य माघारी घेतल्यानंतर अफगाण सैन्य कमकुवत होत असल्याचे दिसून येत आहे. मात्र, काही ठिकाणी अफगाण सैन्याकडून जोरदार प्रतिकार सुरू आहे. तालिबानकडून शहरांवर ताबा मिळवला जात असताना दुसरीकडे अफगाणिस्तानचे राष्ट्रपती अशरफ गनी बुधवारी मजार-ए-शरीफ शहराचा दौरा करणार आहेत. या ठिकाणी ते लष्करी अधिकाऱ्यांसोबत चर्चा करणार आहेत. काबूल, मजार-ए-शरीफ अशी काही मोजकीच महत्त्वाची शहरे अफगाण सरकारच्या ताब्यात आहेत. दरम्यान, मजार-ए-शरीफमधील बिघडलेली परिस्थिती पाहता भारताने आपले नागरीक, दूतावासातील कर्मचाऱ्यांना मायदेशी बोलावले आहे. मंगळवारी संध्याकाळी त्यासाठी एका विशेष विमानाची व्यवस्था करण्यात आली होती. तसेच अफगाणिस्तानचा क्रिकेटपटू राशिद खानने देशातील परिस्थितीबाबत चिंता व्यक्त केली. राशिद खानने ट्विटरवर जगाला मदतीचे आवाहन केले.’माझा देश सध्या यावेळेस कठीण परिस्थितीत आहे. हजारो निष्पाप बालके, महिला, नागरिकांचा मृत्यू होत आहे. त्यांची घरे उद्ध्वस्त होत आहे.